رغم اكتساح ساوتومي برباعية….جلال ” ضايع”….ولاعبين موش متفاهمين…وغياب المدرب الحقيقي كشف المستور…..

خاص بموقع ام ام نيوز 

تأخرنا في موقع ام ام نيوز ،في التعليق على أحداث مباراة تونس وساوتومي في أولى جولات التصفيات المؤهلة للمونديال “على خاطر الواحد حار بصراحة آش باش يحكي…. لامدرب أقنع ولا خدمة مخدومة ولاتحضيرات…والله شي يحشم والصحافة الي تبندر لجلال القادري واشباه اللاعبين والله يلزمها تتحاسب …وجوه الهم وسبب مشاكل الكرة في تونس…اعلام يخدم في مصالح شخصية بمقابل وناس تتشرى حتى بأبخس الأثمان…فمابالك برحلة من بلاد الى بلاد بفلوس الدولة مع المنتخب وهذه تحب فيها تحقيق وباش يتحاسب الجميع …توة هذه كرة في تونس…وهذا مستوى باش تلعب بيه تونس في الكان وتنافس على. الترشح في مجموعة حديدية؟ ثم اللاعبين موش فاهمين بعضهم وكل واحد يوري في روحو حتى لو كان على حساب المنتخب..والله فضيحة …راهي تونس لعبة قدام ساوتومي والمنتخب هذا قلق لاعبينا فمابالك بمنتخبات أخرى..تغفيص في الدفاع والوسط والهجوم والله الواحد عرق وحشم في بلاصة هؤلاء اللاعبين …وبعد يجيك جلال يحكي على المستوى متع حنبعل المجبري والياس العاشوري …تي أنت أصلاً ماتصلحش تكون مدرب المنتخب وكان جيت كيفك نستقبل ونحشم على روحي “,خيرنا توجيه رسالة بالدارجة ليفهما أصحاب القرار في المنتخب ،لأنه بات واضحا ان المدرب الحقيقي كان وديع الجرئ وغيابه أدخل فوضى غير معتادة مع تحكم بعض اللاعبين في المدرب والنتيجة واضحة فوق الميدان وربي يستر في اللقاء القادم خارج تونس وبقية المشوار لأنه بهذا المستوى تأخرت الكرة التونسية كثيرا .

عموما الفوز بباعية مهم لكن دون اقناع والمطلوب ان يظهر المنتخب بوجه مشرف وخطة واضحة للجميع نريد منتخبا مشرفا حتى نتخلص من تعليقات الأجوار ونعتنا ب” منتخب الزهر والحظ”.