سمير الوافي يفضح صاحبة هذه الصفحة المشهورة على انستغرام و فيسبوك…… هي فنانة معروفة ما تجي لبال حدّ.. عاملة روحها عاقلة

تونس / آم_آم_نيوز

نشر الإعلامي سمير الوافي، أمس الثلاثاء 16 ماي 2023 تدوينة على حسابه الخاص تحدّث فيها عن الصفحة الشهيرة على الأنستغرام والفايسبوك والمعروفة بإسم “المدام”.

وقال الوافي أن صاحبة الصفحة هي فنانة تونسية معروفة :”

صفحة معروفة في أنستغرام وفايسبوك…مختصة في الثلب والسخرية والتهكم على المعروفين بطريقة مقرفة ومنحطة…عندي مدة نحاول نعرف شكون وراها قبل ما نقدم بيها قضية…وبعد مجهود وبحث وعلاقات وأصدقاء مهمين وتسجيلات وإستقصاء وأدلة تصدمت بمعرفة الفنانة المعروفة اللي وراها…ما تجي لبال حد وما يتوقع حد اللي هي وراء الخنار هذاكة الكل…فنانة عاملة روحها في الواقع عويقلة و حدها حد روحها ومسالمة…وفي الافتراضي عندها شخصية أخرى خبيثة ومؤذية وعدوانية تنتهك في الأعراض وتبربش في خصوصيات الناس من زملاء وغيرهم بهوية مزيفة وإسم وهمي…”.

وأضاف :”وصلت طلبت من وحدة من أقرب المقربين ليا أنها تعطيها تفاصيل خصوصية ومعلومات على حياتي الشخصية باش تستهدفني…وفشلت في هذا لأني تعلمت نغربل علاقاتي و نتجنب ونتفادي الغدارين اللي يخونو العشرة والماء والملح…وطبعا فمة شكون وراها…!!!

حاصيلو ما كتبت هذا الا بالأدلة والبراهين والتفاصيل…وقريبا قضية ثلب وقذف وتشهير ضد هذه الفنانة او الشيطان المتنكر في هيئة ” ملاك “…وبعدها ربما تو نكشفلكم معلومات صادمة على الفنانة المعروفة هذي…باش كل متضرر يرفع قضية ضدها وياخو حقو منها !!!”.