“رئيس الاتحاد الفرنسي وماعاناه من وزيرة الرياضة ..والفيفا عندها فرع في بلادو وماعملهاش”: عندما يضحك ” مولى الكرة ” على القطيع ولهذا لن ينجح هذه المرة في ابتزاز الدولة وضرب مصلحة الكرة التونسية…
خاص بموقع ام ام نيوز
منذ صبيحة اليوم كانت تحركات المكتب الجامعي مريبة جدا وغريبة خسب رصد موقع ام ام نيوز، وبعد هذا التحرك بساعات تم نشر مراسلة من الفيفا عبر مواقع وإذاعات تعتبر الأبواق “لمولى الكرة ” وتضمنت إستفسارا من الفيفا عن تدخل الدولة في الرياضة ومحاولة حل المكتب الجامعي !!!!” هههه والله كان الأحمق هو الي يصدقكم ومؤخرا رصدنا عددا كبيرا من قطيع الحمقى الي يتبعوا في مولى الكرة ويسبوا وينقدوا فلي يكتب الحقيقة وهوما موش فاهمين شي” و” بربي وقتاش الوزير صرح بحل المكتب الجامعي ؟ وفي أنا قانون رئيس الجامعة هارب لبرة وعلاش؟ وشبيه رئيس الاتحاد الفرنسي لكرة القدم ماستعملش فزاعة الفيفا الي عندها مكتب في فرنسا يعني قاعدة تبع في الي صاير بين الوزيرة ورئيس الاتحاد الفرنسي ….لكن فزاعة الفيفا يستعملوها كان دول العالم الثالث ..ثم هل ان الفيفا على علم بتجاوزات مولى الكرة والقضايا المالية والا لا ؟ ..وعلى حد علمنا وفهمنا البسيط الي هرب البرة عندو علاش هرب وعندو علاش خايف فما بالك بقضايا فساد مالي واختلاسات و..و..و..و..وللي تحاكم بسببها رئيس سابق للفيفا جوزيف بلاتر وتنحى من منصبوا يعني بالفلاقي..الإبتزاز الي تعمل فيه الجامعة للدولة موش باش يتعدى المرة هذه.. والدولة ماتتدخلش في القضاء وهو الي باش يحكم بعد التحقيق في الأرصدة المالية في أكثر من دولة”
للتذكير نفس مراسلة الفيفا نسخة مطابقة الأصل لمراسلة سابقة منذ سنتين أو اكثر تم استعمالها من المكتب الجامعي ومن شخص واحد من الفيفا ويبدو أن هذه المرة توحد تطورات كبرى لأنو موش كل مرة تسلم الجرة… يعني المكتب الجامعي الي خايف على بلادو والكرة التونسية مايستعملش الأساليب هذه”..ويني البطولة الي تدعم فيها الفيفا…بطولة مبتورة وحرب بين الاندية وفضائح كبيرة وتهديد السلم الاجتماعي ..ماتحشموش على رواحكم ياجامعة الخراب والتفرقة؟ تفرجتوا في دربي المغرب والا لا؟؟؟؟؟ تي حتى البطولة الليبية الي راجعة من حرب ولات مشوقة ومنظمة خير منكم “.
((هذا مقال رأي خاص فقط بموقع ام ام نيوز )
