تونس / آم_آم_نيوز
شهدت مسرحية لمين النهدي “نموت عليك” الليلة الماضية على مسرح قرطاج فشلا كبيرا حيث غادر الجمهور المسرح بعد نصف ساعة من انطلاق العرض الذي اعتبروه ضعيفا ومرتجلا ولاعلاقة له بالمسرح والكوميديا.
هذا و علقت بية الزردي على هذا الفشل بتدوينة على حسابها الرسمي فايسبوك قائلة
“نهاية رجل عظيم 💔 عنوان مؤلم ما يستحقوش لمين
ممكن اصعب حاجة على الفنان هي كيف يلقى روحو معادش ينجم
لمين النهدي البشوش و الجميل و الطيب و المضحك ايضا… حتى دون ان يتكلم… يعيش في الحالة هاذي لكن احتراما لمسيرتو العظيمة نحشم بش نخرج من عرضو حتى كان ما عجبنيش منجمو كان ناقفو في بلايصنا و نتفرجو… اكبر حاجة توجع الفنان على الركح هي كيف تخرج و تخليه و لمين فرحنا برشا في يوم ما مايستاهلش ليوم نوجعوه… ساعات الجمهور لازم يفرح الفنان و ساعات الجمهور لازم يحترم الي قدامو و ما فيها باس نوصلولو رسالة كونو لمين ترقى ما لازموش ياقف على منصة التياتر اما لازمو يعلمنا كيفاش ناقفو على منصة التياتر و نعملو مسرح ❤️ لمين صديقي لقد انتهى زمن وجودك كحارس للمدرسة انت اليوم مدرسة بذاتها
كل الاحترام لكل انسان مزال يحاول ❤️”
