خاص بموقع ام ام نيوز
رصد موقع ام ام نيوز تفاعلا كبيرا ،بعد تدوينة مثيرة للجدل للإعلامية والكرونيكورز مروى الدريدي ،التي ردت من خلالها على وليد الهيشري ، بعد أن طالبها بالإهتمام بالطبخ ، وعدم الحديث عن يوسف المساكني في ردة فعل على تصريحها القديم بأن اللاعب كبير في السن ،وانتهى كرويا واليكم نص التدوينة:
“تدوينة هاذي فقط نحب نجاوب فيها وليد الهيشري محلل الجهبذ أسطورة الدفاع الذي لا يقهر :
• أولا : الفيديو إلي حكيت فيه على يوسف المساكني في قناة تونسنا قديم و تم تداوله المدة الأخيرة من مختلف الصفحات و لكن عندو سنين
• ثانيا : محتوى الفيديو مفيه حتى إساءة و لكن نتفهم إلي إنت تحب تحير إسمك و تظهر في دور المدافع الشرس ليوسف المساكني
• ثالثا : أنا باهتة أكثر منك ومنجمش ننسى وقتلي كنت في النادي الإفريقي سجلت هدف من الفرحة نحيت الشورط و قعدت في قلسون
• رابعا : كنت نستنى في خطاب أرقى من هكا سيدي الكريم خاطر كي تقلي إمشي تعلم طيب هذا دليل واضح على فكرك المتخلف تجاه المرأة
• خامسا : إنت الوحيد إلي إحترفت في كازاخستان إلي ميعرفها حد في الخريطة و كان مرجعتش للاتحاد الرياضي المنستيري كنا نجموا نلقاوك تكور في الدوري الصومالي
• أخيرا : نختم و نقول المرأة التونسية مهمتها في الحياة مش تطيبلك عشاك مهمتها الحقيقية تنجم تكون لاعبة كرة قدم و تلعب في قلب الدفاع و تقدم مردود و مسيرة كروية خير ملي إنت عملتها… وشكرا
