تونس / آم_آم_نيوز
نشر الفنان التونسي بيرم بن كيلاني المعروف باسم “بنديرمان” تدوينة على حسابه الخاص يعلق فيها على حملة التنمر التي طالت مغني الراب “جنجون” إثر مشاركته في مسلسل فلوجة، والتعليقات السلبية على أهالي جندوبة.
واعتبر بيرم أن جندوبة هي أكثر ولاية تتعرض يوميا للتقزيم والشتم، رغم أنها من أجمل الولايات في تونس ومن أكثر الولايات التي خرج منها مناضلون وفنانون.
وقال بيرم في تدوينته :
“اخطى التفصيص على الولايات الكل الي هو حاجة عادية تنقّص مالعقد ، اما جندوبة ديما أكثر ولاية تاكل الكلاط حتى في كلامنا متاع كل يوم، كيما الناس الي تقول بجدّها جندوبة حاشى المحلّ.
من احسن الناس الي عرفتهم في حياتي جنادبة ،و من أشب البلايص في تونس ، و من أكثر الولايات في تونس الي خرجت مناضلين، و بلاد قاعدة تخرج في ارتيسوات خشان، و أي فنان لعب في جندوبة يحكيلك الي الشيخة مع الجمهور حاجة ماهيش عادية.”.
وأضاف :”غير بركة ولاية بفلاحتها و ماء و سياحة ومطار، كان تنجم تكون من أقوى الولايات هي من أتعسها.
عادي الناس تفدلك ،باهي التفدليك ،كي تعرف قيمتك ماينقصهالكش meme ،لقطة في مسلسل، و الا نكتة.
جندوبة كان جات الدنيا دنيا راهي حاجة اخرى جملة، وكان جات تابعة بلاد اخرى راهي وجهة عالمية للسياحة الايكولوجية، و راهي بلاد فلاحة، و راهو الماء الناس تشرب فيه من غير ما تتمرمد.
أصل المشكل موش في التفدليك، اصل المشكل في بلاد عندها potentiel عالمي و هي مهمّلة.”.
