تونس / آم_آم_نيوز
علّقت المقدمة و الممثلة مريم بن حسين على التدوينات المنشورة على مواقع التواصل الاجتماعي بخصوص ما شهده شارع محمد الخامس من حلة جديدة بقولها :”هالشعب العظيم..
ولا جزء منو – قالك شوف شارع الحبيب بورقيبة كيفاه يا سيدي نظيف خاتر جايين ناس من البره يزوروا تونس !!
وقنديل باب منارة ما يضوي كان على البراني
ويتساءل بكل وقاحة وقالك شبي موش ديما الشارع هكة ؟!
.أما ما توقفش للحظة وفكر شكون اللي باش يخلي الشارع يكون هكة !!
شكون اللي يمسخ في الشارع ؟؟ زعمة شكون !؟
الشعب التونسي العظيم : ” بإختلاف طبقاته كل يوم نراهم يلوحوا في الشارع في كل شىء” أنظف ناس فيهم ” يلوحوا بونتة سيقارو..فباكو سيقارو…فالسولوفان متاع باكوا السيقارو( هاذي ممارسات يومية من أغلب كان موش كل كل المدخنين )
بالطبيعة ما نحكيوش على اللي ياكلوا السنديوتشات ويلوحوا القراطس و دبابس الماء ..وقول يحشموا ولا يجعروا ولا يحسوا بالذنب ..شىء !خييت وكهو
عشرات الأشخاص يعرضوني يوميا : اللي يحل شباك كرهبتوا ويلوح ..واللي على طول يدو يلوح ..واللي قدامو البوبالة وكومام يلوح ..
عشرات العركات شخصيا عملتهم على الوسخ .ولا حياة لمن تنادي ..عشرات النداءات عملتهم في برامجي بش الناس تعمل ضمير ويفيقوا في الشارع في البحورات الخ …آخر همهم …
واليوم الشعب العظيم هذا في عوض يصيرلوا تحفيز ويقول أيا باهي لازمنا لكلنا نفيقوا على رواحنا وما عاتش نمسخوا شوارعنا الكل …قاعدين ينبروا ومتقلقين …
أنا شخصيا عندي شكر وإمتنان لكل حد خدم الشبوبية هاذي اللي نراو فيها في التصاور ..فماش ما ما يحقروناش ضيوف تونس …
والتصاور هاذم هكة والنظافة هكة على خاتر الشوارع مسكرة خات كان خلاوهالهم محلولة حتى ساعتين راهي عمرها ما تنظاف هكة…
الشعب العظيم هذا ما فهمتش وقتاه بش يعمل ربي في بالوا ويحن على هالبلاد ..
